Հանդիպում-քննարկում՝ «Հայանտառ» ՊՈԱԿ-ի անտառտնտեսությունների տնօրենների հետ

Այսօր՝ նոյեմբերի 30-ին, տեղի է ունեցել աշխատանքային հանդիպում-քննարկում  ՇՄՆ Անտառային կոմիտեի նախագահի պաշտոնակատար Արթուր Պետրոսյանի, «Հայանտառ» ՊՈԱԿ-ի տնօրենի պաշտոնակատար Պավել Ցուգունյանի, տնօրենի տեղակալ Կարեն Ավետիսյանի և «Հայանտառ» ՊՈԱԿ-ի «Անտառտնտեսություն» մասնաճյուղերի տնօրենների միջև։

Կոմիտեի նախագահի պաշտոնակատար Պետրոսյանը քննարկման մեկնարկին ներկայացրել է համատեղ աշխատանքի օրակարգը՝ ընդգծելով փոխգործակցված աշխատելու  կարևորությունը, թիմային փոխգործակցության աստիճանի բարձրացումը։

«Հայանտառ» ՊՈԱԿ-ի տնօրենի պաշտոնակատար Պավել Ցուգունյանն էլ իր հերթին ընդգծել է, որ «Անտառտնտեսություն» մասնաճյուղերի տնօրենների հետ հանդիպում-քննարկումները պարբերական բնույթ են կրելու՝ հիմքում  ունենալով անտառտնտեսությունների կողմից կատարված աշխատանքների ներկայացումը, խնդիրների ձևակերպման, հանրամատչելի, ամբողջական գույքագրումը և դրանց մասին բարձրաձայնումը, ինչպես նաև անտառային ոլորտում բարեփոխումներին միտված կարճաժամկետ անելիքների մատնանշումը, առկա խնդիրների լուծման ուղղությամբ վճռական ու շրջադարձային գործելաոճի ներդրումը։

 Տնօրենի տեղակալ Կարեն Ավետիսյանը ոլորտում իրականացվող բարեփոխումների համատեքստում կարևորել է նաև կազմակերպության ինչպես կենտրոնական ապարատի, այնպես էլ մասնաճյուղերի փաստաթղթաշրջանառության իրականացման գործընթացում ժամանակակից միջոցների ներդրումը, կնքվող պայմանագրերի էլեկտրոնային հաշվառմանն անցումը և այլ հարցեր։

Հանդիպմանը քննարկվել են հնարավոր անօրինական անտառհատումների և փայտանյութի տեղափոխման, ՀՀ ՊՆ կարիքների բավարարման համար նախատեսված փայտանյութի, ինչպես նաև անտառամերձ համայնքների բնակիչներին թափուկ վառելափայտով ապահովելու նպատակով օրենքով սահմանված ընթացակարգերը։

«Անտառտնտեսություն» մասնաճյուղերի տնօրեններն ի թիվս այլ խնդիրների ընդգծել են մասնաճյուղերի տարածքների ճշգրտման, քարտեզագրման հետ կապված հարցեր։  Հատկապես խնդրահարույց  է դարձել ռազմական գործողություններից հետո սահմանամերձ  անտառտնտեսությունների քարտեզագրման հարցը։

Հանդիպման ընթացքում քննարկվել են նաև կորոնավիրուսի տնտեսական հետևանքների չեզոքացման տասնհինգերորդ միջոցառման շրջանակներում «Անտառտնտեսություն» մասնաճյուղերի տարածքում իրականացված աշխատանքների հետ կապված հարցեր։

print

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

13 + six =