Աշխատանքային այց՝ «Արծվաբերդի անտառտնեսություն» մասնաճյուղ

Մարզային հերթական այցն այսօր Անտառային կոմիտեի «Հայանտառ» ՊՈԱԿ-ի «Արծվաբերդի անտառտնտեսություն» մասնաճյուղում էր:

Աշխատանքային խմբի կազմում էին Անտառային կոմիտեի նախագահ Վլադիմիր Կիրակոսյանը, կոմիտեի նախագահի առաջին տեղակալ Սերգո Աթանեսյանը, տեղակալ Սևակ Մարկոսյանը և «Հայանտառ» ՊՈԱԿ-ի տնօրենի ժամանակավոր պաշտոնակատար Պավել Ցուգունյանը:

Աշխատանքային խումբը՝ Վլադիմիր Կիրակոսյանի գլխավորությամբ, այցելել է Անտառային կոմիտեի «Հայանտառ» ՊՈԱԿ-ի «Արծվաբերդի անտառտնտեսության» սղոցարան, ծանոթացել ընթացիկ աշխատանքներին.արդյունավետ աշխատանքի պարագայում կարող ենք ունենալ ներդրումներ, ինչը կընդլայնի և կզարգացնի ոլորտը՝ նոր աշխատատեղեր ստղծելով:

ՎլադիմիրԿիրակոսյանը տվել է խիստ հանձնարարականներ՝ բացթողումները  շուտափույթ շտկելու և ապօրինի ծառահատումները նվազագույնի հասցնելու համար:

Աշխատանքային խումբը լսել է «Արծվաբերդի անտառտնտեսության» աշխատակիցներին, առանձնացրել առաջարկները,տեսակետները՝ ոլորտի գործունեությունն արդյունավետ դարձնելու նպատակով:

 Այսօրվա աշխատանքային այցին համընկել էր ապօրինի ծառահատումը,որը կանխվել էր Անտառային կոմիտեի «Հայանտառ»ՊՈԱԿ-ի «Արծվաբերդի անտառտնտեսության» Նավուրի անտառպետության անտառապահների ջանքերի շնորհիվ: Բարեբախտաբար, գողոնն առգրավվել էր, իսկ ավազակախումբը՝ հանձնվել ոստիկանություն:

Անտառային կոմիտեի նախագահի հանձնարարությամբ Նավուրի անտառպետության երկու անտառապահ՝ Կոնստանտին Ոսկանյանը և

Շիրազ Քոսակյանը պարգևատրվել են՝ բարեխիղճ և արդյունավետ աշխատանքի համար: