Մարզային այցելությունները շարունակվում են

    Անտառային կոմիտեի նախագահ Վլադիմիր Կիրակոսյանը, կոմիտեի նախագահի առաջին տեղակալ Սերգո Աթանեսյանը, տեղակալ Սևակ Մարկոսյանը և «Հայանտառ» ՊՈԱԿ-ի տնօրենի ժամանակավոր պաշտոնակատար Պավել Ցուգունյանն այսօր անակնկալ այցով եղել են Անտառային կոմիտեի «Հայանտառ» ՊՈԱԿ-ի «Նոյեմբերյանի անտառտնտեսության  անտառպետություն»մասնաճյուղում:

Աշխատանքային խումբը՝ Վլադիմիր Կիրակոսյանի գլխավորությամբ  ուսումնասիրել է 2020-2021 թթ․ Կառավարության կողմից ֆինանսավորված անտառպատման և անտառվերականգնման աշխատանքները:

Ուսումնասիրությունների արդյունքում պարզվել է, որ աշխատանքները կատարվել են պատշաճ մակարդակով, թերություններ և բացթողումներ չեն արձանագրվել:

Քննարկվել են անտառպատման և անտառվերականգնման աշխատանքներ իրականացնելու տարածքների հարցեր: