Քննարկվել են նախատեսվող ավիացիոն-քիմիական պայքարի միջոցառումներին վերաբերող հարցեր

Այսօր Անտառային կոմիտեի նախագահ Վլադիմիր Կիրակոսյանը հանդիպում-քննարկում է ունեցել՝ նվիրված անտառներում իրականացվելիք ավիացիոն-քիմիական պայքարի միջոցառումներին:

Քննարկմանը մասնակցել են Անտառային կոմիտեի նախագահի տեղակալ Արուսյակ Սիրադեղյանը, կոմիտեի գլխավոր քարտուղարի պաշտոնակատար Էդուարդ Սեինյանը, «Հայանտառ» պետական ոչ առևտրային կազմակերպության տնօրենի պաշտոնակատար Պավել Ցուգունյանը և ՊՈԱԿ-ի անտառվերականգնման, անտառպատման և պաշտպանության բաժնի պետ Տարոն Մանուկյանը:

Անտառային կոմիտեի նախագահ Վլադիմիր Կիրակոսյանին են ներկայացվել ավիացիոն-քիմիական պայքարի միջոցառումներին ընդառաջ կատարվող աշխատանքները, ինչպես նաև՝ վնասատուներով և հիվանդություններով վարակված «Անտառտնտեսություն» մասնաճյուղերի ցանկը:

Քննարկման մասնակիցները ստացել են հանձնարարականներ՝ ավիացիոն-քիմիական պայքարը պատշաճ մակարդակով իրականացնելու, բացթողումներ չունենալու համար:

Ամփոփելով հանդիպումը՝ որոշվել է, որ սույն միջոցառումների անցկացման հստակ օրերի մասին կտրվի լրացուցիչ տեղեկություն՝ մայիսի 27-ին նախատեսվող քննարկումից հետո:

print

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

2 × two =